WBC, WBA jáne IBF bokstan álem chempıondary týrnırin 2015 jyly ótkizýge áreket jasamaq
ASTANA. QazAqparat - Búkilálemdik boks keńesi (WBC), Búkilálemdik boks qaýymdastyǵy (WBA) jáne Halyqaralyq boks federatsııasy (IBF) bokstan álem chempıondary úshin atalǵan uıymdardyń nusqalary boıynsha barlyq salmaq dárejelerinde uıymdasqan týrnır ótkizýdi kózdep otyr, dep habarlady boxingscene.com.
Atalǵan sheshim WBC prezıdenti Maýrısıo Sýleıman, WBA basshysy Jılberto Mendos pen IBF basshysy Derıl Pıplstyń kezdesýi kezinde qabyldandy.
«Biz chempıondar týrnırin tek bir chempıon ǵana álem chempıony bolyp tanylýy úshin ótkizý týraly sheshim qabyldadyq. Bul uzaq jol, alaıda ol fakt. Biz promoýterler úzdik kezdesýler uıymdastyrýy úshin múmkindik týdyrmaqpyz», - dedi Sýleıman.
Aıta keter jaıt, Búkilálemdik boks uıymynyń (WBO) ókilderi kezdesýde bolǵan joq.
