WBC tıtýlynyń ıegeri Meıirim Nursultanov reseılikpen aıqasady
NUR-SULTAN. QazAqparat – Orta salmaqta qazaqstandyq boksshy Meıirim Nursultanovtyń (13-0, 8 KO) kelesi jekpe-jegi ótetin kún anyqtaldy, dep habarlaıdy QazAqparat Sports.kz saıtyna silteme jasap.
BoxRec.com málimeti boıynsha otandasymyz 5 jeltoqsanda Ekaterınbýrgte rıngke shyǵady. Ol RCC Boxing Promotions týrnıri aıasynda óner kórsetedi. Onyń qarsylasy reseılik boksshy Ilıa Balandın (4-3-1, 2 KO) bolmaq. Orta salmaq sanatyndaǵy aıqas segiz raýndqa eseptelgen.
Nursultanovtyń sońǵy jekpe-jegi ótken jyldyń 2 qarashasynda Las-Vegasta (Nevada shtaty, AQSh) ótken bolatyn. Onda ol tóreshilerdiń sheshimimen biraýyzdan meksıkalyq boksshy Krıstıan Olıvasty (19-6, 16 KO) jeńip, orta salmaqta WBC (USNBC) nusqasy boıynsha AQSh chempıony tıtýlyn ıemdendi.
