WBC prezıdenti Golovkın - Charlo jekpe-jegi týraly jańa málimdeme jasady

ASTANA. QazAqparat - Búkilálemdik boks keńesiniń (WBC) prezıdenti Maýrısıo Sýleıman qazaqstandyq boksshy Gennadıeı Golovkın (38-1-1, 34 KO) men amerıkalyq Djermall Charlo (27-0, 21 KO) arasyndaǵy jekpe-jekti uıymdastyrý týraly aıtty, dep habarlaıdy Sports.kz.

WBC Konventsııasy jýyrda osy jekpe-jekti uıymnyń orta salmaqtaǵy álem chempıony Saýl Alvarespen (50-1-2, 34 KO) ótetin kezdesýge irikteý retinde bekitken bolatyn.

«Biz alǵa qadam basamyz. Charlo 22 jeltoqsan kúni jekpe-jek ótkizedi. Sodan keıin biz oǵan jekpe-jek týraly qaýlyny jiberemiz. Sosyn áliptiń artyn baǵamyz», - dedi Sýleıman.

Charlo kelesi kezdesýin Kishi Vıllı Monromen (23-3, 6 KO) ótkizedi. Al Golovkın rıngke kóktemde oralýy múmkin, biraq ol jekpe-jek týraly mardymdy aqparat joq.