WBC Olımpıada oıyndaryna qatysqany úshin kásipqoı boksshylardy qatań jazalaıdy

NUR-SULTAN. QazAqparat – Dúnıejúzilik boks qaýymdastyǵy (WBA) men Dúnıejúzilik boks uıymy (WBO) Tokıodaǵy 2020-Olımpıada oıyndaryna qatysqysy keletin kásipqoı boksshylardy qoldaý týraly sheshim qabyldady, dep habarlaıdy BoxingScene.

Al Dúnıejúzilik boks keńesi (WBC) mundaı bastamaǵa qarsy ekenin jetkizdi. Uıymnyń málimdeýinshe, Tokıodaǵy Olımpıada oıyndaryna qatysýǵa múmkindik beretin kez kelgen týrnır men olımpıada irikteý týrnırine qatysatyn boksshylar eki jylǵa sporttan shettetilip, barlyq reıtıngten shyǵarylady.

Budan buryn birneshe meksıkalyq kásibı boksshy Tokıodaǵy Olımpıada oıyndaryna qatysatynyn jarııalaǵan bolatyn.