WBC «Kanelodan» tıtýldy qaıtaryp aldy

NUR-SULTAN. QazAqparat - Dúnıejúzilik boks keńesi (WBC) álem chempıony ataǵynyń jańa pozıtsııasyn qurdy - meksıkalyq Saýl «Kanelo» Alvares «franchise champion» bolyp jarııalandy, dep xabarlaıdy Sports.kz.

Osylaısha, «Kaneloǵa» tıesili bolǵan orta salmaqtaǵy álem chempıony ataǵy amerıkalyq Djermall Charloǵa berildi. Ol buǵan deıin «ýaqytsha» chempıon bolǵan edi.

Eske salaıyq, orta salmaqta qazaqstandyq boksshy Gennadıı Golovkın óner kórsetedi. WBC tıtýly onyń aldynda GGG-ge tıesili boldy. Golovkın sońǵy aıqasyn 8 maýsymda Nıý-Iorkte ótkizdi: qazaqstandyq kanadalyq boksshy Stıv Rollsty nokaýtqa túsirip, keıin Alvareske úshinshi jekpe-jek ótkizýge usynys jasady.