WBC gran-prı týrnıri: Joldas Jeńisov ekinshi kezeńge joldama aldy

ASTANA. KAZINFORM — Qazaqstandyq kásipqoı boksshy Joldas Jeńisov (9-0, 4KO) Dúnıejúzilik boks keńesi (WBC) alǵash ret uıymdastyryp otyrǵan «The Riyadh Season WBC Boxing Grand Prix» týrnırinde alǵashqy jeńisine qol jetkizdi.

Saýd Arabııasynyń astanasy Er-Rııad qalasynda ótip jatqan boks keshinde, jeńil salmaqta eki qazaqstandyq boksshy sharshy alańǵa shyqty. 

Joldas Jeńisov ıspanııalyq boksshy El ıAzıd Ezzaıdanımen (6-1, 4KO) sheberlik baıqasty. Qorytyndysynda, otandasymyz qarsylasyn ekinshi raýndta tehnıkalyq nokaýtpen jeńdi.

Taǵy bir qazaqstandyq Aleksandr Kovrıgın (8-1, 6KO) amerıkalyq Troı Nashpen (4-0, 1KO) 6 raýnd boıy judyryqtasyp, tóreshiler sheshimimen jeńilis tapty, esep 55:58/57:56/54:58.

Eske salaıyq, «The RiyadhSeason WBC Boxing Grand Prix» týrnıri Saýd Arabııasynyń astanasy Er-Rııad qalasynda 17 sáýirde bastalyp, 20 jeltoqsan kúni óz máresine jetedi. Alǵashqy kezeń 17-20 sáýir aralyǵynda ótedi dep josparlanyp otyr.

Buǵan deıin habarlaǵanymyzdaı, gran-prı jeńil salmaq, birinshi orta salmaq, orta jáne aýyr salmaq syndy 4 salmaq kategorııasy boıynsha ótedi. Oǵan álemniń 41 elinen kelgen 128 boksshy qatysady dep josparlanyp otyr. 

Aıta keterligi, qatysýshylar tizimi arasynda 5 qazaqstandyq sportshy bar.