WBC Golovkın men Alvares kelissózderin dúısenbige deıin sozdy
ASTANA. QazAqparat - Dúnıejúzilik boks keńesi (WBC) osy uıym nusqasyndaǵy orta salmaqtaǵy álem chempıony statýsy boıynsha kelissózderdi dúısenbige deıin sozdy, dep habarlady Sports.kz.
«Oqıǵanyń mańyzdylyǵy men eki taraptyń qalaýlaryna qaraı WBC dıvızıondaǵy jaǵdaıdy sheshýdi dúısenbige qaldyrdy», - dep jazdy tvıtterdegi paraqshasyna WBC prezıdenti Maýrısıo Sýleıman.
Eske sala keteıik, WBC nusqasy boıynsha orta salmaqtaǵy álem chempıony tıtýlyna Saýl Alvares ıe. Al Gennadıı Golovkın bul beldeýge mindetti úmitker. Buryn taraptar 11 jeltoqsanda kelisimge keledi dep kútilgen.
