WBC Golovkın - «Kanelo» úshinshi jekpe-jegine qatysty jańa málimdeme jasady

NUR-SULTAN. QazAqparat – Dúnıejúzilik boks keńesi (WBC) qazaqstandyq Gennadıı Golovkın men meksıkalyq Saýl «Kanelo» Alvares arasyndaǵy úshinshi jekpe-jekke qatysty jańa málimdeme jasady, dep habarlaıdy QazAqparat Sports.kz-ke silteme jasap.

WBC saıtynda jarııalanǵan málimdege sáıkes, aıqas aldynda boksshylardan kez kelgen ýaqytta dopıng-test alynatyny jazylǵan.

«WBC bekitken barlyq hattamalardy oryndaı otyryp, eki sportshy da VADA-nyń barlyq talaby boıynsha yqpaldastyqqa tolyq daıyndyǵyn atap ótti. Sebebi Saýl Alvares pen Gennadıı Golovkın Taza boks baǵdarlamasyna (CBP) qosylǵan. Ol boıynsha 17 qyrkúıektegi jekpe-jekke deıin ekeýinen kezdeısoq dopıng-testiler alynyp otyrady», - delingen habarlamada.

Eske salaıyq, 2017 jyldyń qyrkúıeginde Golovkın men «Kanelo» kezdesýi teń aıaqtaldy.

Bir jyldan keıin, ıaǵnı 2018 jyldyń qyrkúıeginde S.Alvares tóreshiler sheshimimen Qazaqstan sportshysyn jeńdi.

Golovkın de Alvares te úshinshi aıqas týraly resmı málimdeme jasady.