WBC Gennadıı Golovkındi «Kúsh koroli» ataǵyna usyndy

NUR-SULTAN. QazAqparat - Búkilálemdik boks keńesi (WBC) óziniń Twitter paraqshasynda jankúıerlerden orta salmaqtaǵy eń myqty boksshy kim ekenin surady, dep habarlaıdy QazAqparat.

Úmitkerler arasynda IBF jáne IBO álem chempıony tıtýlynyń ıegeri, qazaqstandyq Gennadıı Golovkın de bar.

«Orta salmaqtaǵy kúsh koroli kim?» dep surady keńes óz oqyrmandarynan. Sóıtip kandıdat retinde osy salada óner kórsetip júrgen birneshe boksshyny usynǵan. Olardyń arasynda Golovkınnen basqa Tomas Hırns, Marvın Hagler, Saýl Alvares «Kanelo», Karlos Monson jáne Aıren Barklı bar.

WBC sondaı-aq oqyrmandarynan eshkim unamaǵan jaǵdaıda óz nusqasyn usynýdy ótingen.