WBC chempıony Batyr Júkembaev meksıkalyqpen aıqasatyn boldy

ASTANA. QazAqparat - 6 qazanda (Astana ýaqytymen 7 qazan kúni tańerteń) jeńilip kórmegen birinshi orta salmaqtaǵy qazaqstandyq boksshy Batyr Júkembaev (13-0, 11 KO) Kvebekte (Kanada) rıngke shyǵady, dep habarlaıdy Sports.kz.

Kásibı rıngtegi kezekti aıqasynda ol meksıkalyq Patrısıo Morenomen (20-2, 14 KO) baq talastyrady. Jekpe-jek 10 raýndqa eseptelgen.

Júkembaev sońǵy jekpe-jegin 27 mamyrda ótkizgen edi. Ol kezde Argentına ókili Honatan Hose Enıspen (21-10-1, 8 KO) judyryqtasqan bolatyn. Bizdiń otandasymyz jetinshi raýndta tehnıkalyq nokaýtpen jeńiske jetip, WBC Continental Americas chempıondyq belbeýin ıelendi.