WBC boksty Olımpıada baǵdarlamasynda qaldyrýǵa ótinish bildirdi

ASTANA. QazAqparat - Búkilálemdik boks keńesi (WBC) Halyqaralyq Olımpıada komıtetine boksty Olımpıada oıyndarynyń baǵdarlamasynda qaldyrý týraly ótinish aıtty, dep habarlaıdy QazAqparat.

Bul týraly QR Ulttyq olımpıadalyq komıtetiniń baspasóz qyzmeti habarlady.

«Boks 1904 jyldan beri Olımpıada baǵdarlamasyna engen, tórtjyldyq dodasynyń negizin qalaýshy sport túrleriniń biri. Boks álemi HOK pen AІVA arasyndaǵy qarym-qatynas durystalyp, bokstyń Olımpıada baǵdarlamasynan shyǵyp qalý qaýpi joıylady degen úmitte. Áýesqoı boks jas sportshylardyń úlken sporttaǵy baspaldaǵy. Olımpıada el atyn asqaqtatýdy árbir boksshy armandaıdy», - delingen WBC málimdemesinde.

Esterińizge sala keteıik, qarasha aıynyń basynda ótken kongreste AІVA prezıdenti bolyp ózbekstandyq Gafýr Rahımov saılandy.  AQSh qarjy mınıstrligi Rahımovta sanktsııa tizimine qosqan soń, HOK bokstyń olımpıadalyq statýsyna qaýip tónetinin eskertken bolatyn.