WBC Alvares pen Golovkınge taǵy da bir-bir aralyq jekpe-jekke ruqsat berýge ázir
ASTANA. QazAqparat - WBC prezıdenti Maýrısıo Sýleıman orta salmaqtaǵy WBC tujyrymy boıynsha álem chempıony jáne IBF/WBA/WBO tujyrymdary boıynsha álem chempıony Gennadıı Golovkın arasyndaǵy jekpe-jekti uıymdastyrýǵa qatysty jaǵdaı týraly óz pikirin bildirdi.
Budan buryn boksshylar promoýterleri kelissóz jasaýǵa kirisken, dep habarlady sports.kz.
«Eger bir mámilege kelmese, 24 mamyrda Mehıkoda promoýterler baıqaýy ótedi. Qazir barlyǵy promoýterler men boksshylardyń qolynda. Bul aıqasty álem kútip otyr.
Eger olar bir-bir aralyq aıqas ótkizý týraly kelisimge qol jetkizse, oǵan kelisemiz. Jarysqa úlken qyzyǵýshylyqty týdyratyn strategııany kelisse, ol olardyń da, sporttyń da múddesi.
Jekpe-jek ýaqyty kelgende ótedi dep oılaımyn. Sebebi muny álem kútip otyr. Keıbir aıqastarǵa ýaqyt qajet. Mundaı jaǵdaı Macho Kamachonyń Hýlıo Sezar Chaveske qarsy jekpe-jeginde bolǵan. Olardyń aıqastary alty jyldan soń bir-aq bolǵan. Al Meıvezer-Pakıao aıqasýy úshin bes jyl ketken», - degen Sýleımannyń sózin keltirdi BoxingScene.
