WBA Vladımır Klıchkony sáýirden keshikpeı Povetkın-Rahman jekpe-jeginiń jeńimpazymen kezdesýge mindettedi
ASTANA. 28 qyrkúıek. QazAqparat - Búkilálemdik boks qaýymdastyǵy WBA /VBA/ álemniń «Sýperchempıony» belbeýiniń ıesi Vladımır Klıchkony kelesi jyldyń kókteminde «turaqty» chempıon, reseılik Aleksandr Povetkın men amerıkandyq Hasım Rahmannyń arasyndaǵy jekpe-jektiń jeńimpazymen kezdesýge mindettedi.
Bul týraly Rahmanmen 29 qyrkúıekte Gambýrgte ótetin kezdesýdiń aldynda Povetkınniń promoýteri, nemisVılfrıd Zaýerland málim etti.
«Bizdiń aıqasymyzdyń jeńimpazy naýryz, nemese, eń keshi - sáýir aıynda Vladımır Klıchkomen kezdesýi kerek», - dep habarlady promoýter. Sondaı-aq ýkraınalyq boksshy 10 qarasha kúni polıak Marıýsh Vahqa qarsy shyǵyp, óz mártebesin qorǵaýy tıis.
