WBA Shúmenovty «turaqty» chempıon ataǵyna saı emes dep tapty
ASTANA. QazAqparat - Dúnıejúzilik boks qaýymdastyǵynyń (WBA) jańartylǵan reıtınginiń birinshi aýyr salmaǵynda aıtýly ózgerister bar, dep jazady Sports.kz.
Qazaqstandyq boksshy WBA nusqasy boıynsha «turaqty» chempıon ataǵynyń ıegeri Beıbit Shúmenov (17-2, 11 KO) beldiginen aıyryldy. Endi bul ataq osyǵan deıin atalmysh uıymnyń ýaqytsha chempıony bolyp kelgen kýbalyq ıÝnıer Dortıkosqa (21-0, 20 KO) tıesili.
Aıta keteıik, Shúmenov pen Dortıkos sáýir aıynda ózara kezdesý ótkizýi qajet bolatyn. Alaıda qazaqstandyq boksshynyń jaraqat alyp qalýyna baılanysty kezdesý keıingi qaldyrylǵan. Sonymen qatar kýbalyq boksshynyń «Búkilálemdik boks sýperserııasyna» qatysatyny belgili boldy.
