WBA reıtıngindegi qazaqstandyq boksshylardyń orny belgili boldy
NUR-SULTAN. QazAqparat – Dúnıejúzilik boks qaýymdastyǵy (WBA) barlyq salmaq sanaty boıynsha jańartylǵan reıtıngin jarııalady, dep habarlaıdy QazAqparat Sports.kz saıtyna silteme jasap.
Ekinshi asa jeńil salmaq kategorııasynda Evgenıı Pavlov (3-0, 2 KO) 11-orynnan 10-ǵa kóterildi.
Germanııa atynan óner kórsetetin Qazaqstan týmasy, orta salmaqtaǵy Anatolıı Muratov (22-2-1, 15 KO) 10-pozıtsııadan 8-ge joǵarylady.
Sýper aýyr salmaqtaǵy Jan Kosobýtskıı (15-0, 14 KO) 14-inshi satydan 15-ke túsip qaldy. Eske salaıyq, J.Kosobýtskıı sońǵy jekpe-jeginde tıtýl úshin aıqasty. Ol bıylǵy aqpan aıynda nıgerııalyq boksshy Onorıod Ehvarıemdi (18-2, 17 KO) tórtinshi raýndta nokaýtqa túsirip, WBA International beldigin jeńip aldy.
