WBA reıtınginde qazaqstandyq boksshylardyń orny qandaı

NUR-SULTAN. QazAqparat – Búkilálemdik boks qaýymdastyǵy (WBA) barlyq salmaq sanaty boıynsha jańartylǵan reıtıngti jarııalady, dep habarlaıdy QazAqparat Sports.kz. saıtyna silteme jasap.

Birinshi aýyr salmaqta Beıbit Shúmenov «qarapaıym» álem chempıony ataǵyn saqtap qaldy.

Ekinshi orta dıvızıonda WBA International, WBC Asia jáne WBO Global chempıony Aıdos Erbosynuly ekinshi orynda qaldy. Birinshi orynda – kýbalyq boksshy kishi-Devıd Morrell. Úshinshi oryn Gaıana boksshysy kýbalyq Lennoks Allenge tıesili. Osy sanattaǵy WBA Super álem chempıony –brıtandyq Kallým Smıt.

WBC Continental Americas belbeýiniń ıegeri – birinshi jartylaı orta salmaqtaǵy Batyr Júkembaev óz sanatynyń reıtınginde áli de 15-orynda tur. Úzdik úshtikti Alberto Pýello (Domınıkan Respýblıkasy), Lıýıs Rıtson (Ulybrıtanııa) jáne Ranses Bartelemı (Kýba) bastap tur.

«Sýper chempıon» tıtýly brıtandyq Djosh Teılorǵa tıesili.