WBA Mennı Pakıaony resmı túrde álem chempıony tıtýlynan aıyrdy
NUR-SULTAN. QazAqparat – Fılıppın eliniń aty ańyzǵa aınalǵan boksshysy Mennı Pakıao WBA Super nusqasy boıynsha jartylaı orta salmaqtaǵy álem chempıony ataǵynan aıyrylyp, «demalystaǵy chempıon» dárejesine ótti. Bul týraly QazAqparat sports.kz saıtyna silteme jasap habarlaıdy.
Al onyń belbeýi buryn WBA Regular tıtýlynyń ıegeri bolǵan Kýba boksshysy Iordenıs Ýgasqa (26-4, 12 KO) ótti.
Eske sala ketsek, Mennı Pakıao sońǵy ret óz tıtýlyn 2019 jyldyń 20 shildesinde qorǵaǵan. Ol kezde boksshy amerıkandyq sportshy Kıt Týrmannan basym túsken bolatyn.
