WBA Lebedevti álem chempıony tıtýlynan aıyrdy

 Bul týraly uıymnyń baspasóz qyzmeti málimdedi, dep habarlaıdy TASS.

Sońǵy ret Lebedev  2017 jyly 9 maýsymda avstralııalyq Mark Flenegandy jeńip,  WBA tıtýlyn qorǵap qalǵan edi. Sodan beri ol rıngke shyqqan joq. Sondaı-aq 39 jastaǵy reseılik Dúnıejúzilik boks sýperserııasynyń týrnırine de qatyspaǵan.

Tıtýl ýaqytsha  chempıon kýbalyq ıÝnıer Dortıkosqa berildi. Bud sheshimmen Lebedev kelisti.

WBA málimdemesinde belbeý Dortıkos pen Halyqaralyq boks federatsııasy nusqasy boıynsha chempıon reseılik Mýrat Gassıevtiń WBSS jartylaı fınaldyq jekpe-jegine qoıylatyn bolady. Aıqas senbide Sochıde ótedi.

Lebedovtyń enshisinde 30 jeńis (22 nokaýt) jáne úsh jeńilis bar.

Al 37 jastaǵy Dortıkostyń esebinde 22 jeńis bolsa, olardyń 21-i nokaýt. 24 jastaǵy Gassıev 25 ret qarsylastarynan basym túsken, onyń 21-i nokaýtpen aıaqtalǵan.  Boksshynyń ekeýi de esh jeńilip kórmegen.