WBA Golovkın men Alvarestiń bireýine buıyratyn beldikti tanystyrdy

ASTANA. QazAqparat - Búkilálemdik boks qaýymdastyǵy (WBA) qazaqstandyq boksshy Gennadıı Golovkın (37-0, 33 KO) men meksıkalyq Saýl Alvares (49-1-1, 34 KO) jekpe-jeginiń jeńimpazyna arnalǵan erekshe beldikti tanystyrdy, dep habarlaıdy QazAqparat tilshisi.

«Erekshe jekpe-jek keshine, arnaıy beldik»-, dep jazylǵan WBA uıymynyń Instagram paraqshasyna.

Eske sala ketsek, Golovkın-Alvares jekpe-jegine Dúnıejúzilik boks keńeside (WBC) arnaıy beldik daıyndaǵan edi . 

Golovkın-Alvares jekpe-jegi 16 qyrkúıek kúni AQSh-tyń Las-Vegas qalasyndaǵy «T-Mobile» arenada ótedi.

Ony «Qazaqstan» jáne «Qazsport» telearnalary tikeleı efırden 17 qyrkúıek kúni (ýaqyt aıyrmashylyǵyna baılanysty) kórsetedi. Belgili bolǵandaı, Golovkın men Alvarestiń aıqasy saǵat 8.50-de bastalady.