WBA chempıony Golovkınmen bolatyn jekpe-jektiń merzimin jarııalady

NUR-SULTAN. QazAqparat –WBA nusqasy boıynsha orta salmaqta álemniń «ýaqytsha» chempıony tıtýlynyń ıegeri kishi Krıs ıÝbenk jańa promoýshnmen kelisimshartqa qol qoıý oǵan armanyndaǵy jekpe-jekti, atap aıtqanda IBF/IBO chempıony Gennadıı Golovkınmen kezdesýge múmkindik beredi degen úmitte, dep habarlaıdy QazAqparat Sports.kz saıtyna silteme jasap.

Jaqynda ǵana ıÝbenk aǵaıyndy Kalle men Nısse Zaýerlıandtarmen (Team Sauerland) yntymaqtastyqtyń bastalǵanyn jarııalap, olardyń kómegimen mansabyn jańa deńgeıge kóterýge úmittenetinin aıtty.

— Jasyratyny joq, men biraz jyldan beri Golovkınmen jekpe-jek ótkizýdi qalap júrgen edim. Olar (aǵaıyndy Zaýerlıandtar) maǵan soǵan jetýge múmkindik beredi. Bul tipti, keremet! Budan bári de utady. Jankúıerler de, boksshylar da. Sondyqtan men 2021 jyly osy jekpe-jekke qol jetkize alamyn dep úmittenemin, — dedi brıtandyq IFL TV-ǵa bergen suhbatynda.