WBA boıynsha bokstan ýaqytsha álem chempıony Janat Jaqııanovty jerlesteri ystyq yqylaspen qarsy aldy (FOTO)
ASTANA. QazAqparat - Búgin Petropavl qalasyndaǵy temirjol beketinde soltústikqazaqstandyqtar jerlesteri, jeńil salmaq dárejesinde WBA boıynsha bokstan álem chempıony Janat Jaqııanovty ystyq yqylaspen qarsy aldy. Sportshy Monakodaǵy tamasha jeńisinen soń úıine oraldy.
Eske salaıyq, 8 qarashada Monakoda WBA (interim WBA World bantamweight title) nusqasy boıynsha ýaqytsha álem chempıony ataǵy úshin qazaqstandyq Janat Jaqııanov pen venesýelalyq Ionfrez Pareho kezdesti. Jekpe-jek barlyq 12 raýnd boıynsha ótti jáne tóreshilerdiń bólek sheshimimen jeńis qazaqstandyq boksshyǵa buıyrdy.
«Qarsylasym óte myqty boldy, ne degenmen, chempıon ǵoı. Jekpe-jek barysynda birdeı kúsh tanytqanymyzben, ol meniń shabýyldarymnan taıqyp ketip otyrdy. Aqyry segizinshi raýndta, boks tilimen sóılegende, ol «júzip ketti». Bul jekpe-jekke eki qorytyndy chempıondyq raýnd núkte qoıdy. Men basymdyqqa ıe bola aldym. Sharshy alańdaǵy shaıqasqa kóńilim toldy», - deıdi Janat Jaqııanov.
Sportshynyń aıtýynsha, ol Anglııada Rıkkı Hatton men Maık Djeısonnyń basshylyǵymen segiz aptany jattyǵý lagerinde ótkizip, jekpe-jekke jáne bul ataqty qorǵaý úshin daıyndyqqa kóp ýaqytyn bóldi.
«Men bul jeńiske umtyldym. Endi demalyp, otbasymmen ýaqyt ótkizbekpin», - dep atap ótti boksshy. Bul týraly Vkontakte jelisindegi Qazaqstan kásibı boksy paraqshasynda habarlanǵan.
