Washington Post shtab-páteri 159 mln. dollarǵa satyldy
ASTANA. 28 qarasha. QazAqparat - Aq úıdiń janynda ornalasqan Washington Post shtab-páterin 159 mıllıon dollarǵa jyljymaıtyn múlikke mamandandyrylǵan kompanııalardyń biri satyp alady.
Redaktsııa ǵımaratyn satyp alýǵa kelisken kompanııanyń aty ázirge jarııalanbaı otyr.
Washington Post - Amerıkadaǵy bedeldi basylymdardyń biri. Onyń jýrnalısteri 47 Pýlıttser syıaqysyna ıe bolǵan. Alaıda sońǵy birneshe jyl ishinde basqa basylymdar sııaqty Washington Post ta jarnama men jekeleı satylymnyń tómendeýinen kiristiń azaıý máselesine tap boldy. Basylymǵa shyǵyndardy kemitý úshin júzdegen qyzmetkerlerin qysqartyp, birqatar tilshiler qosyndaryn jabýǵa týra keldi.
