WADA Sharapovaǵa qatań jaza qoldanbaq
ASTANA. QazAqparat - Búkilálemdik dopıngke qarsy agenttik (WADA) tennısshi Marııa Sharapovaǵa qatań jaza qoldanatynyn málim etti, dep jazady Lenta.ru The Times-ke siltememen.
Londonda ótken dopıngke qarsy konferentsııa barysynda uıym basshysy Kreıg Rıdı agenttik Sharapovanyń isin «óte muqııat» tekseretinin, eger tekserý barysynda qabyldanǵan jazalaý sharalary tym jeńil bolatyn bolsa, Sporttyq arbıtrajdyq sotqa (CAS) júginý quqyǵyn paıdalanatynyn málim etti.
7 naýryz kúni Sharapova Los-Andjelestegi konferentsııa barysynda 10 jyl boıy otbasylyq dárigeri taǵaıyndaǵan mıldronat dárisin paıdalanyp kele jatqanyn, al 2016 jyldyń basynan bastap bul dári tyıym salynǵan dári-dármekterdiń qataryna engenin, óziniń budan beıhabar bolǵanyn málimdegen edi. Osynyń saldarynan Avstralııada ótken «Úlken dýlyǵa» týrnıri kezinde alynǵan onyń qan taldaýy keri kórsetkish kórsetken.
