WADA reseılik sportshylardy tekserýge qansha qarjy jumsaǵanyn jarııalady
ASTANA. QazAqparat - Búkilálemdik dopıngke qarsy agenttik (WADA) reseılik sportshylardy tekserý úshin 4 mln dollar qarajat jumsaǵan, dep habarlaıdy QazAqparat tilshisi.
Búkilálemdik dopıngke qarsy ortalyqtyń habarlamasyna súıensek, olar reseılik sportshylardy tekserýge.
Esterińizde bolsa, Fox Sports telearnasy osydan birer aı buryn 2008 jáne 2012 jyldary ótken Olımpıada oıyndaryndaǵy júldelerinen aıyrylǵan sportshylardyń tolyq tizimin jarııalaǵan bolatyn. Sol tizimde reseılikter 19 medalinen aıyrylyp, medalden aıyrylǵandar kóshin bastaǵan bolatyn.
Al bizdiń sportshylar 9 medalimen qoshtasyp, ekinshi orynnan kóringen. Qazaq sportshylarynan keıin, Belarýs sportshylary 7 medalinen aıyrylyp, «úzdik úshtikti» túıindegeni belgili.
Kóbine bul daýǵa ilikkender - aýyr atletter. Olardyń barlyq sany - 26. Al jeńil atletterde - 18, kúres sheberlerinde 5 oqıǵa tirkelgen edi. Odan keıin de keıbir sportshylardyń dopıng tekserisi oń nátıje bergeni anyqtalǵan.
Negizi, WADA tekserý jumystaryn 2015 jyly bastaǵan bolatyn. Sol ýaqyt aralyǵynda reseılik sportshylar birinen soń biri sporttan shettetilip, ataqtarynan aıyryldy. Osyndaı, ataqtarynan aıyrylǵandar qatarynda jerlesterimiz de joq emes.
Olardyń qatarynda 2008 jyly Olımpıada oıyndarynan aýyr atletıkanyń alyptary Ilıa Ilın (altyn), Irına Nekrasova (kúmis), Marııa Grabovetskaıa (qola), sondaı-aq erkin kúres sheberi Taımýraz Tıgıev te (kúmis) bar. Bul tizimdi grek-rım kúresiniń sheberi Áset Mámbetov (qola) bolsa, Londonda ótken 2012 jylǵy jazǵy Olımpıada oıyndarynda tek «altyn» ziltemirshilerimizdiń nátıjesi joıyldy. Olar: I.Ilın, Maıa Maneza, Svetlana Podobedova jáne Zýlfııa Chınshanlo bar.
