WADA Reseıdi sport saıystarynan 4 jylǵa shettetýi múmkin
NUR-SULTAN. QazAqparat – Dúnıejúzilik dopıngke qarsy agenttiktiń (WADA) úılesimdilik komıteti Reseıdi sport saıystarynan 4 jylǵa shettetýdi usyndy, dep habarlaıdy QazAqparat VVS-ge silteme jasap.
Uıymnyń atqarý komıteti osy usynysty qabyldasa, Reseı Eýropa jáne álemdik deńgeıdegi jarystardy ótkizý quqyǵynan da aıyrylady.
Tyıym salý týraly usynys brıtanııalyq zańger Djonatan Teılordyń basshylyǵynda jasalǵan VADA komıtetiniń esebine qosylǵan.
VADA saıtynda osy uıymnyń táýelsiz komıteti RÝSADA-nyń Dúnıejúzilik dopıngke qarsy kodeks talaptaryn oryndamaı otyrǵany málimdelgen.
Dopıngke qarsy agenttiktiń atqarý komıteti usynysty 9 jeltoqsan kúni qaraıtyn bolady. New York Times gazetiniń jazýynsha, VADA óz komıtetiniń osy usynysyn qabyldaýy yqtımal.
Onyń 9 jeltoqsanda qabyldanatyn sheshiminiń ústinen Lozannadaǵy (Shveıtsarııa) arbıtrajdyq sotqa apellıatsııa shaǵymyn túsirýge bolady.
Eger tyıym salý týraly usynys qabyldanyp, apellıatsııa da nátıje bermese, Reseı fýtboldan 2020 jylǵy Eýropa chempıonaty, 2022 jylǵy Álem chempıonaty, 2020 jylǵy Tokıo Olımpıadasy sııaqty kóptegen iri jarystardan shet qalady.
