WADA meldonııdi qoldanýǵa qoıylatyn shekteýdi jeńildetetin boldy
ASTANA. QazAqparat - Meldonıı 2016 jyldyń 1 qańtarynan tyıym salynǵan preparattardyń tizimine endi.
Dúnıejúzilik dopıngke qarsy agenttik (WADA) sportshynyń dopıng synamasynyń bir mıllılıtrinde bir mıkrogrammǵa jetpeıtin kólemde meldonıı (mıldronat) bolýyna ruqsat etiletinin aıtty.
Dopıng synamalarynyń bir mıllılıtrinen 1-den 15 mıkrogrammǵa deıingi mólsherde meldonıı tabylǵan sportshylarǵa qatysty tergeý jalǵasady. Sondaı-aq, 2016 jyly 1 naýryzdan keıin alynǵan dopıng synamalardyń bir mıllılıtrinen 1 mıkrogrammǵa jetpeıtin kólemde atalǵan zat kontsentratsııasy bolsa da, ol sportshylardy tergeý jalǵasady.
WADA pikirinshe, bul dári sportshylardyń tózimdiligin arttyrady. Sonymen qatar mamandar mıldronattyń tıimdiligi klınıkalyq zertteýler arqyly rastalmaıtynyn aıtty. WADA habarlaǵandaı, aǵymdaǵy jyldyń basynan túrli elderdiń 99 sportshysynan dopıng synamalarynan meldonıı tabyldy, dep jazady Bı-bı-sı.
Naýryz aıynyń basynda Los-Andjelestegi baspasóz máslıhatynda reseılik tennısshi Marııa Sharapova qańtar aıynda Avstralııanyń Úlken dýlyǵa synynda dopıng synaǵynan ótpegenin málimdegen edi. Osydan soń álemniń iri-iri kompanııalary bul sportshymen kelisim sharttaryn úze bastaǵan bolatyn.
