WADA hakerler jarııalaǵan dopıngke qatysty qujattar túpnusqa ekenin moıyndady
ASTANA. QazAqparat - Dúnıejúzilik dopıngke qarsy agenttik (WADA) Fancy Bears hakerler tobynyń jelige urlanǵan qujattardyń ekinshi partııasyn jarııalaýyna baılanysty málimdeme jasady. WADA jańa qujattar túpnusqa ekenin moıyndady, dep habarlady RIA Novostı.
Osyǵan deıin hakerler segiz eldiń 25 sportshysynan dopıng anyqtalǵany týraly qujattardy jarııalady.
WADA qujattardy urlady dep «orys hakerlerin» aıyptady. Aıta ketý kerek, agenttikte qujattar ADAMS (Anti-Doping Administration and Management System - Dopıngke qarsy ákimshiliktendirý jáne basqarý júıesi) júıesi saldarynan urlanǵanyn moıyndady.
"Reseı tarapynan kıber-shabýyldar reseılik dopıngke qarsy baǵdarlama erejelerine sáıkes qalypqa keltirý úshin júrgizilip jatqan jumystarǵa kedergi keltirýde", - dedi WADA bas dırektory Olıve Nıgglı.
