Wabtec-ten 300 lokomotıvti 1 mlrd dollardan astam aqshaǵa satyp alamyz – Saýranbaev

ASTANA. KAZINFORM – Kólik mınıstri Nurlan Saýranbaev «Qazaqstan temir joly» ulttyq kompanııasy men amerıkalyq Wabtec kompanııasy arasyndaǵy 4,2 mlrd dollarlyq kelisimshart týraly pikir bildirdi.

Úkimet otyrysynan keıin ótken baspasóz máslıhatynda BAQ ókili Wabtec Qazaqstanǵa lokomotıvterdi nege sonsha qymbatqa satyp otyrǵanyn surady.

– Bul Qazaqstan maqtana alatyn joba dep aıtar edim. Biraq o basta biz aqparatty durys bermegen sııaqtymyz. Bári kelisimshart somasyn lokomotıv sanyna bóle saldy. Osy somanyń ishinde lokomotıv satyp alý somasy 1 mlrd dollardan sál ǵana asady. Qalǵanynyń bári lokomotıvter isten shyǵarylǵansha júretin servıstik jetek shyǵyndary bolatyn. Osy tusyn resmı aqparatta bermegen sııaqtymyz. Sondyqtan baǵa aspandap shyǵa keldi. ıAǵnı, biz satyp alǵan lokomotıv baǵasy naryqtaǵy baǵamen sáıkes, qymbat emes. Bul másele qytaılyq áriptestermen de jumys isteımiz. Sondyqtan baǵanyń naryqqa saı ekenin kepildik bar, - dedi Nurlan Saýranbaev.

Eske salsaq, «Qazaqstan Temirjoly» ulttyq kompanııasy Kazinform saýalyna joldaǵan jaýapta Wabtec kompanııasymen aradaǵy 4,2 mlrd dollardyń kelisimi týraly keńirek málimet bergen edi. 

– Áleýmettik jelilerde 4 mlrd AQSh dollaryna 300 birlik jańa lokomotıv satyp alynatyny týraly aqparat berilgen.4 mlrd AQSh dollary 300 birlik lokomotıv satyp alýdy ǵana emes, sonymen qatar qoldanystaǵy servıstik shartty 2058 jylǵa deıingi 15 jyl merzimge 405 birlik lokomotıvke uzartýdy, sondaı-aq satyp alynatyn 300 birlik lokomotıvke 2054 jylǵa deıingi 18 jyl merzimge tolyq servıstik qyzmet kórsetýdi uıymdastyrýdy qamtıdy, - dep jazylǵan resmı jaýapta.