W3D frantsýzdyq telekommýnıkatsııalyq jer serigi maqsatty orbıtaǵa shyǵaryldy

BAIQOŃYR. 15 mamyr. QazAqparat - «Baıqońyr» ǵarysh aılaǵynan ushyrylǵan «DablıÝ 3 Dı» (Eutelsat W3D) eýropalyq baılanys jer serigi maqsatty orbıtaǵa shyǵaryldy jáne ushyrylymnyń tapsyrys berýshisine basqarýǵa berildi.

Bul týraly Roskosmostyń baspasóz qyzmetinen málim etti.

Búgin 15 mamyr kúni máskeý ýaqyty boıynsha saǵat 05.15-te W3D ǵarysh apparaty «Brız-M» údetkish blogynan ushý tsıklogrammasyna sáıkes ajyrady.

«Brız-M» údetkish blogy bar ǵaryshtyq maqsattaǵy «Proton-M» zymyrany «Baıqońyr» ǵarysh aılaǵynyń 200-shi alańynyń ushý kesheninen 14 mamyr kúni máskeý ýaqyty boıynsha saǵat 20.02-de ushyrylǵan bolatyn.

Basty blok zymyran-tasyǵyshtyń úshinshi satysynan ajyraǵan soń, onyń orbıtaǵa odan ári shyǵarylýy údetkish bloktyń qozǵaltqysh qondyrǵysynyń jumysy arqyly iske asty.