Vzvodtar jaýyngerlik jattyǵýlarǵa tóselýde - QR Qorǵanys mınıstrligi
Vzvodtardyń jaýyngerlik jattyǵýlarǵa tóselýi jónindegi sharalardy ótkizý motoatqysh, barlaýshy, tanktik, desanttyq shabýyldaýshy, zenıttik-raketalyq vzvodtarǵa arnaıy jasalǵan taqyryptar boıynsha júzege asyryldy. Jeke quramǵa ár túrli jaǵdaılarda urys qımyldaryn oqytyp-úıretý maqsatynda sabaqtar qarastyryldy.
Jaýyngerlik ázirlik boıynsha ótkizilgen sharalardyń negizgi erekshelikteriniń biri Aeroutqyr áskerleri vzvodtary úshin taktıkalyq jáne áýe desantyn túsirý bolyp tabyldy.
Qurlyq áskerleriniń quramalary men bólimderinde ótkizilgen jattyǵýlarǵa tóselý jónindegi sharalardyń qorytyndysy: jeke quram vzvod quramynda urys qımyldaryn júrgizýde mol tájirıbe jınaqtady. Úırenýshi áskerı qyzmetshiler urys kezine jaqyndatylǵan jaǵdaıda áreket etip urys dalasynda ózara is qımyl jasaýǵa daǵdylandy. Bul kez kelgen tapsyrmany oryndaýdyń negizi bolyp sanalady.