«VympelKom» álemdegi uıaly baılanys operatorlarynyń «1Goal: Bilim bári úshin» dep atalatyn naýqandyq sharasyn qoldaıtyndyǵyn málimdedi
ALMATY. Sáýirdiń 26-sy. QazAqparat /Erlik Erjanuly/ - «VympelKom» kompanııa toby álemdegi uıaly baılanys operatorlarynyń ıkemdi kommýnıkatsııa tarıhyndaǵy «1Goal: Bilim bári úshin» dep atalatyn alǵashqy naýqandyq sharasyn qoldaıtyndyǵyn málimdedi,
dep habarlaıdy QazAqparat «QaR-Tel» JShS-ne silteme jasap.
Baılanys operatorlary bul jobany iske qosý týraly sheshimdi aǵymdaǵy jyldyń aqpan aıynda Barselonada ótken Búkilálemdik GSM Mobıldik qaýymdastyǵy kongresinde qabyldaǵan bolatyn. Álemde 1 mıllıardtan astam abonentke qyzmet kórsetetin Búkilálemdik GSM Mobıldik qaýymdastyǵyna quramyna kiretin 18 baılanys operatory endi sáýirdiń 20-synan bastap arnaıy shara ótkizýde. Ol shildeniń 11-ne deıin sozylmaq. Bul shara negizinde olar árbir abonentke «1Goal: Bilim bári úshin» jobasyn qoldaýǵa óz daýystaryn berýge múmkindik beredi. Qazaqstanda Beeline saýda belgisi boıynsha jumys jasaıtyn «VympelKom» kompanııalar toby SMS-daýys berýdi qamtý aýmaǵyndaǵy barlyq elderde óz abonentteri arasynda tegin ótkizedi.
