Vıacheslav Tytstyń otbasyna barlyq saqtandyrý tólemderi beriledi
ASTANA. QazAqparat - QR Qorǵanys jáne aeroǵarysh ónerkásibi mınıstrligi «Soıýz-2.1a» zymyran-tasymaldaǵysh bólshekteriniń qulaýy kezinde týyndaǵan órt saldarynan ómiri qıylǵan Vıacheslav Tytstyń týǵan-týysqandaryna qaıǵyryp kóńil aıtty, dep habarlaıdy QazAqparat.
Esterińizge sala keteıik, 1968 jyly dúnıege kelgen Qazaqstan azamaty V. Tyts aǵymdaǵy jylǵy 14 maýsymda denesin shalǵan 2-3 dárejegi kúıikpen Jezqazǵannyń ortalyq aýrýhanasynyń travmatologııalyq bólimine jatqyzyldy. 15 maýsymda ol sanıtarlyq avıatsııa qyzmetimen Qaraǵandyǵa jetkizildi. Dárigerler onyń ómiri úshin arpalysqanymen, ókinishke qaraı Vıacheslav Tytsty aman alyp qalý múmkin bolmady.
Ol reseılik «Mashına jasaý ǴÓB» kásiporynda qyzmet etken bolatyn. Bul kásiporynda ol zymyran-tasymaldaǵyshtyń bólingen bólshekterin jınaý boıynsha jumystardy atqarǵan edi. «Mashına jasaý ǴÓB» ókilderiniń málimetinshe, onyń otbasyna barlyq tıisti saqtandyrý tólemderi jasalady.
Budan buryn habarlanǵandaı, 2017 jyly 14 maýsymda Baıqońyr ǵarysh aılaǵynan ushqan «Soıýz 2.1a» zymyran tasyǵyshynyń bólingen bólshekteri qulaýynan Qaraǵandy oblysy Ulytaý aýdanynda alqap órtendi. Tótenshe jaǵdaıdan «KamAZ» mashınasynyń júrgizýshi ıÝrıı Hatıýshkın qaza taýyp, onyń áriptesi Vıacheslav Tyts aýyrýhanaǵa jetkizilgen bolatyn.
