Vıacheslav sý qoımasynda joǵalyp ketken azamattardy izdestirý jumystary jalǵasýda - TJM
ASTANA. 6 jeltoqsan. QazAqparat /Aıdar Ospanalıev/ - Vıacheslav sý qoımasynda joǵalyp ketken azamattardy izdestirý jumystary jalǵasýda.
Bul týraly búgin jýrnalıstermen bolǵan brıfıngte Tótenshe jaǵjaılar mınıstrliginiń Apatty qutqarý qyzmetiniń ókili, maıor Alekseı Sovetov málim etti.
Esterińizge sala keteıik, aǵymdaǵy jylǵy 20 qarasha kúni elimizdiń birqatar aqparat quraldary Astananyń 3 turǵyny Vıacheslav sý qoımasynda balyq aýlaýǵa shyǵyp, sodan oralmaǵandyǵyn jarııalaǵan bolatyn. Olardy izdestirý jumystary ázirge eshqandaı nátıje bermeı otyr. Biraq izdestirý sharalary áli jalǵasýda.
A.Sovetovtyń sózine qaraǵanda, izdestirý jumystarynyń alǵashqy 9 kúninde tótenshe jaǵdaılar salasynyń qyzmetkerleri joǵalǵandary sý astynan da izdegen. Sondaı-aq eki kún boıy tikushaqpen sýdyń betinen izdeý sharalary uıymdastyryldy. «Іzdeý sharalarynyń qıyn bolyp otyrǵan sebebi joǵalǵan azamattardyń qaı aımaqqa ketkendigin eshkim de aıtyp bere almaı otyr. Eger olardyń eń quryǵanda qaı baǵytqa ketkendigi anyqtalǵanda izdeý jumystary baıaǵyda-aq aıaqtalar edi. Al olardyń barýy yqtımal aımaqtardan eshteńe tabylmady», deıdi tótenshe jaǵdaılar salasynyń ókili.
Esterińizge sala keteıik, bıylǵy jyldyń 11 aıynda elimizdiń sý qoımalarynda 625 adam zardap shegip, olardyń 622-i mert boldy. Al 2009 jyldyń sáıkes merzminde 470 adam zardap shegip, 451 adam kóz jumǵan bolatyn.
