Vıacheslav Dýdnık QR densaýlyq saqtaý vıtse-mınıstri qyzmetinen bosatyldy

ASTANA. KAZINFORM - Qazaqstan Respýblıkasy Úkimetiniń qaýlysymen Vıacheslav ıÝrevıch Dýdnık Qazaqstan Respýblıkasynyń densaýlyq saqtaý vıtse-mınıstri qyzmetinen bosatyldy.

Bul týraly úkimettiń baspasóz qyzmetinen málim boldy.

Vıacheslav Dýdnık 1963 jyly Qostanaı oblysynda týǵan.

Qaraǵandy memlekettik medıtsına ınstıtýtyn, Qazaq ekonomıka, qarjy jáne halyqaralyq saýda ýnıversıtetin, Halyqaralyq bıznes akademııasyn, Reseı halyq sharýashylyǵy akademııasyn jáne Shveıtsarııanyń Eýropalyq ýnıversıtetin támamdaǵan.

Eńbek jolyn 1983 jyly Qaraǵandy oblystyq klınıkalyq aýrýhanasynyń birinshi hırýrgııa bóliminde meıirger bolyp bastady.

1987-1997 jyldary Qostanaı oblystyq onkologııalyq dıspanserinde onkolog-dáriger, onkolog-hırýrg bolyp jumys istedi.

1997-2005 jyldary Qostanaı qalasynyń medıtsına uıymdarynda bas dárigerdiń orynbasary, bas dáriger bolyp qyzmet etti.

2005-2006 jyldary – Astana qalasy Densaýlyq saqtaý departamenti dırektorynyń m. a., dırektory.

2006-2008 jyldary – Ońtústik Qazaqstan oblysy Densaýlyq saqtaý departamenti dırektorynyń emdeý-aldyn alý jumysy jónindegi orynbasary, Ońtústik Qazaqstan oblysy Densaýlyq saqtaý departamentiniń dırektory.

2008-2009 jyldary – Qazaqstan Respýblıkasy Prezıdenti Іs Basqarmasy Medıtsınalyq ortalyǵynyń bastyǵy.

2009-2017 jyldary Qazaqstan Respýblıkasy Prezıdenti Іs Basqarmasy Medıtsınalyq ortalyǵynyń qurylymynda jumys istedi.

2018-2021 jyldary – Qostanaı oblysy Densaýlyq saqtaý basqarmasy basshysynyń m.a., basshysy.

2022 jyldyń 4-sáýirinen bastap QR Densaýlyq saqtaý vıtse-mınıstri qyzmetin atqaryp keldi.