Vıacheslav Býtsaev «Barys» hokkeı klýbyna bas bapker bolyp taǵaıyndaldy

ASTANA. KAZINFORM — Qazaqstandyq «Barys» hokkeı klýbyna bas bapker qyzmetine Vıacheslav Býtsaev taǵaıyndaldy.

«Barys» kanadalyq maman Devıd Nemırovskımen kelisimshartty úzgenin málimdedi.

Onymen birge Maks Markovıch pen Stıv MakGıchı de bapkerler quramynan ketti. 

«Barystyń» bas bapkeri qyzmetine Vıacheslav Býtsaev taǵaıyndaldy. Bapkermen jasalǵan kelisim osy maýsymnyń sońyna deıin eseptelgen.

V. Býtsaev oıynshy retinde Olımpıada jáne álem chempıony atanǵan, Reseı jáne Shvetsııa birinshilikterinde top jarǵan.

Odan bólek, Ulttyq hokkeı lıgasynda 130-dan astam match ótkizgen.

Vıacheslav Gennadevıch QHL-da TsSKA, «Sochı» jáne «Neftehımık» komandalarynyń bas bapkeri bolǵan.

Sońǵy ret jattyqtyrýshy «Vıtıaz» klýbyn bas bapker qyzmetinde Qurlyqtyq hokkeı lıgasynyń 2022-2023 jyldar maýsymynda komandany pleı-off kezeńine shyǵardy.

Elordalyq komandanyń bapkerler quramynda Evgenıı Korolev, Talǵat Jaılaýov, Oleg Romashko, Andreı Shaıanov, Kırıll Legchakov pen Sergeı Tambýlov qyzmetin jalǵastyrady.