VVS telearnasynda aýyz bekitýdiń artyqshylyǵy kórsetildi
ASTANA. QazAqparat - Ótken jyly VVS telearnasy «As ish, aýyz bekit, sóıtip uzaq ómir súr» dep atalatyn derekti fılm kórsetti. Onda doktor Maıkl Moclı (Michael Mosley) aldyna úsh úlken maqsat qoıady: uzaq ómir súrý, jas kezindegi bet-beınesin saqtap qalý jáne artyq salmaqtan arylý.
Muslim.kz portalynyń jazýynsha, doktor tájirıbe kezinde myqty densaýlyq pen uzaq ómir súrýdiń syryna kóbirek úńiledi. Nátıje kórsetkendeı, ol aýyz bekitýdiń densaýlyqtyń naǵyz negizi ekenine kóz jetkizdi. Ashyǵý boıynda burynnan kele jatqan birneshe aýrýdyń betin beri qaratty.
Ol munymen toqtamady. Aýyq-aýyq ashyǵýǵa kóshti. Tamaqty toqtatýdyń bul túri mı aýrýlaryn emdeýdiń birden-bir tásili ekenin dáleldedi. Doktor Maıkl osylaısha «5 k 2» dıetasyn ashty. Bul 5 kún ashyǵyp, 2 kún burynǵysha tamaq ishý degendi bildiredi. Nátıjesinde ol 7 keli salmaq tastady, qanty durystalyp, holes-terın mólsheri talapqa saı boldy. Doktor Moslıdiń tájirıbesi Paıǵambarymyzdyń (s.ǵ.s.) dástúrin rastap otyr. Alla elshisi (s.ǵ.s.) óz hadısinde (Abý Nýaım jetkizgen): «sýmoo tasıhhoo», - deıdi. Aýdarmasy: «Aýyz bekitińizder jáne saý bolyńyzdar». Osy eki sózde qanshama maǵyna jáne shyndyq jatyr.
