Výk Eremıch: Qazaqstan - ıadrolyq qarýsyzdandyrý jolynda álemdegi iri ıadrolyq arsenaldardyń birinen erikti túrde bas tartqan kóshbasshy el

ASTANA. 30 qarasha. QazAqparat - «1 jeltoqsan Qazaqstan Respýblıkasyndaǵy ulttyq mereke - Tuńǵysh Prezıdent Kúnine baılanysty shynaıy quttyqtaýymdy qabyl alyńyz delingen, Birikken Ulttar Uıymy Bas Assambleıasy 67-sessııasynyń Prezıdenti Výk Eremıchtiń quttyqtaý hatynda.

Memlekettiń jetistikteri Sizdiń elińizdiń halyqaralyq arenada belsendi oıynshyǵa aınalýyna múmkindik berdi, oǵan Eýropadaǵy Qaýipsizdik jáne Yntymaqtastyq uıymy men Islam Konferentsııasy Uıymyna tóraǵalyq etýdiń senip tapsyrylǵany dálel bola alady.

BUU Bas Assambleıasy 67-sessııasynyń Prezıdenti retinde jumys istegen kezimde Siz alǵa tartqan «Jasyl kópir» seriktestik baǵdarlamasy, Eýrazııalyq ekonomıkalyq ǵalymdar klýby qaýymdastyǵy, Astana ekonomıkalyq forýmy, G-Global, ATOM ıadrolyq qarýǵa qarsy jobasy jáne Álemdik jáne dástúrli dinderdiń sezi sııaqty halyqaralyq bastamalaryńyzda sóz sóıleý úlken qurmet pen abyroı boldy. Ol jobalardyń bári halyqaralyq qoǵamdastyqtyń erekshe yqylasyna bólendi.

Qazaqstan Respýblıkasynda ulttyq merekeni toılaý kúnin paıdalana otyryp, Sizge zor densaýlyq pen baqyt, sonymen birge Sizdiń tamasha elińizge turaqtylyq pen damý tileımin»