«Vuelta a Espana» kópkúndiginde13-inshi kezeńinde «astanalyq» velokomandanyń kóshbasshylary jalpy jiktelimdegi óz ornyn saqtap qaldy
ALMATY. 1 qyrkúıek. QazAqparat - Ispanııadaǵy «Vuelta a Espana» kópkúndiginiń 172,8 shaqyrymdyq 13-inshi kezeńinde «Astana Pro Team» veloklýbynyń shabandozdarynan eń joǵarǵy nátıje kórsetken belgııalyq Kevın Zeldreers (77) boldy.
Degenmen bul onyń jalpy jiktelimdegi ornyn saqtap qalýyna esh kedergi bola almady. Qazir ol 13 kezeńniń qorytyndysy boıynsha 24-inshi satyda tur. Bul synda qazaqstandyq Andreı Kashechkın de 30-ynshy satydaǵy óz ornyn saqtap qaldy. Al shvetsııalyq Frederık Kesıakoff 44-ten 42-ge, ıtalııandyq Paolo Tıralogo 54-ten 53-ke, reseılik Egor Sılın 95-te 90-ǵa kóterilse, qazaqstandyq Aleksandr Dıachenko 87-den 116-ǵa, Asan Bazaev 133-ten 156-ynshy orynǵa deıin tómendep ketti. Búgin olar endi 149,2 shaqyrymdyq 14-inshi kezeńde óz kórsetkishin jaqsartýǵa múmkindigi bar. Jalpy 18 tamyzda Andorrada bastalǵan bul dúbirli doda 9-ynshy qyrkúıek kúni Madrıdte aqtyq 21-inshi kezeńmen aıaqtalady.
