«Vuelta a Espana» kópkúndiginde 6 kezeńinde astanalyq veloshabandoz Kevın Zeldreers máre syzyǵyn 24-shi bolyp kesip ótti
ALMATY. 24 tamyz. QazAqparat - Ispanııadaǵy «Vuelta a Espana» kópkúndiginiń 175,4 shaqyrymdyq altynshy kezeńinde «Astana» veloklýbynyń shabandozy Kevın Zeldreers jalpy jiktelimde bir saty tómendep,
19-ynshy orynǵa taban tiredi. Al Andreı Kashechkın 35-inshi, Andreı Zeıts 42-inshi, Frederık Kesıakooff 51-inshi, Aleksandr Dıachenko 55-inshi, Paolo Tıralongo 71-inshi, Egor Sılın 91-inshi, Asan Bazaev 98-inshi orynda kele jatyr.
Búgin olar 164,2 shaqyrymdyq 7-inshi kezeńin ótkizedi. Alda áli 14 kezeń bar. Astanalyqtar sapynan bul jarysta tek Asan Bazaev qana kezeńdik jarystardyń birinde úzdik úshtiktiń qatarynan kórine alǵan edi. Báseke áli bel ortasyna jetpegendikten, qazaqstandyq kásipqoı veloklýbtyń sportshylaryna jarystyń sońyna deıin óz nátıjesin jaqsartý úshin múmkindik te, ýaqyt da jetkilikti.
