«Vuelta a Espana» kópkúndiginde 5 kezeńniń qorytyndysy boıynsha astanalyq veloshabandoz Kevın Zeldreers jalpy jiktelimde óz ornyn saqtap qaldy
ALMATY. 23 tamyz. QazAqparat - Ispanııadaǵy «Vuelta a Espana» kópkúndiginiń 168 shaqyrymdyq besinshi kezeńinde keshe «Astana» veloklýbynyń shabandozdary aldyńǵy kúngi jetistigin qaıtalaı almady.
Tórtinshi kezeńde máre syzyǵyn úshinshi bop kesip ótken Asan Bazaev keshe jarys jolyn 180-inshi bop aıaqtady. Qazir 5 kezeńniń qorytyndysy boıynsha jalpy jiktelimde Kevın Zeldreers - 18-inshi, Andreı Kashechkın - 39-ynshy, Frederık Kesıakooff - 42-inshi, Egor Sılın - 46-ynshy, Andreı Zeıts - 51-inshi, Aleksandr Dıachenko - 53-inshi, Asan Bazaev - 64-inshi, Paolo Tıralongo - 86-ynshy orynda kele jatyr.
Bıyl 67-inshi ret ótip jatqan bul dúbirli doda 18 tamyzda Andorradan bastalǵan bolatyn. 3281,6 shaqyrymdyq 21 kezeńnen turatyn atalmysh báseke 9 qyrkúıekte Madrıdte márege jetedi. Onda sportshylar 27 tamyz ben 4 qyrkúıekte ǵana tynyǵyp, qalǵan kúnderi jarys jolyna shyǵatyn bolady.
