«Výelta Mýrsııa» velojarysy: «Astana» jeńiske jetti
ASTANA. QazAqparat - «Astana» komandasynyń veloshabandozy Lýıs Leon Sanches «Výelta Mýrsııa» birkúndik jarysynda jeńiske jetti, dep habarlaıdy QazAqparat sports.kz saıtyna silteme jasap.
Ispandyq velojarys Benel qalasynda bastaý alyp, 208,3 shaqyrymdyq dıstantsııadan keıin Mýrsııa qalasynda márege jetti.
Jarys komandalardyń qyzý básekesine toly boldy. Biraq nátıjesinde, jeńis úshin tartys Lýıs Leon Sanches pen «Výelta Valensııanyń» taıaýdaǵy jeńimpazy Alehandro Valverde arasynda órbidi. Valverde márege 2 shaqyrym qalǵan kezde qarqynyn údete tústi. «Astana» veloshabandozy bul talpynysqa jaýap berip, keıin kontrshabýylǵa kóshti. Nátıjesi - Mýrsı qalasyndaǵy jeńis.
Valverde - ekinshi, belgııalyq sportshy Fılıpp Jılber úshinshi keldi. Sondaı-aq «Astananyń» taǵy bir kóshbasshysy - ıAkob Fýlsang ta jaqsy óner kórsetti. Ol altynshy bolyp keldi.
