Výchıch BUU Qaýipsizdik Keńesin damýshy elder esebinen keńeıtýdi qoldady
ASTANA. KAZINFORM — Serbııa BUU Qaýipsizdik Keńesinde damýshy elderge, ásirese Afrıka memleketterine kóbirek oryn berýdi qoldaıdy. Bul týraly Serbııa prezıdenti Aleksandr Výchıch BUU Bas Assambleıasy 81-sessııasynyń jalpy saıası pikirtalasynda málimdedi, dep jazady TASS.
— Serbııa BUU men uıym júıesin reformalaýdy, onyń tıimdiligin arttyryp, qazirgi jaǵdaıǵa beıimdeýdi qoldaıdy. Biz BUU Qaýipsizdik Keńesiniń quramyn keńeıtip, damýshy elderdiń, atap aıtqanda Afrıka qurlyǵy memleketteriniń ókildigin arttyrý qajet dep sanaımyz, — dedi Výchıch.
Serbııa prezıdenti sondaı-aq BUU Qaýipsizdik Keńesinde «Shyǵys Eýropa elderi tobyna» qosymsha oryn bólingenin qalaıtynyn aıtty. Sonymen birge ol BUU-nyń «naqty nátıjelerge» qol jetkizýi uıymnyń bastapqy qaǵıdattaryna qaıta oralmaıynsha múmkin emes ekenin atap ótti.
Buǵan deıin Túrkııa prezıdenti Rejep Taııp Erdoǵan sessııanyń jalpy pikirtalas barysynda sóılegen sózinde Túrki memleketteri uıymynyń (TMU) jylda-jylǵa nyǵaıyp, óńirlik yntymaqtastyqtyń úlgili modeline aınalyp kele jatqanyn málimdegen bolatyn.
