VTB Qazaqstan banki EO sanktsııasyna ushyrady

ASTANA. KAZINFORM – Eýropalyq Odaq Reseıge qarsy sanktsııalardyń 19-shy paketin qabyldady, onyń ishinde VTB Qazaqstan banki shekteý qoıylǵan sýbektiler qataryna engggizildi, dep habarlaıdy Kazinform menshikti tilshisi.

Sonymen qatar, VTB-nyń Belarýs pen Shanhaıdaǵy enshiles kompanııalaryna sanktsııa salyndy.

Eýropalyq keńes jarııalaǵan qujatqa sáıkes, shekteý sharalary 2025 jyldyń 2 jeltoqsanynda kúshine enedi. Olarǵa qarjylyq qyzmetterge qol jetkizý jáne EO ıýrısdıktsııalary aıasyndaǵy tranzaktsııalarǵa shekteýler kiredi. VTB Qazaqstan buǵan deıin bas kompanııaǵa qoıylǵan shekteýlerge baılanysty qıyndyqtardy bastan keshirdi.

Eske sala ketsek, búgin Brıýsselde Eýropalyq Odaqqa múshe 27 memleket basshylarynyń sammıti ótip jatyr, onda eýropalyq syrtqy jáne ishki saıasattyń ózekti máselelerin talqylaý josparlanǵan.

Buǵan deıin Eýropalyq odaq Reseıge qarsy sanktsııalardy uzartqanyn jazǵan edik.