VTB bank Qazaqstan baılanys ortalyǵynyń uıaly nómirin qosty
ALMATY. 1 aqpan. QazAqpara - Klıentterdiń Baılanys ortalyǵyna qoljetimdiligin arttyrý týraly tilekterin qabyl ala otyryp, VTB Bank (Qazaqstan) Kcell, Activ jáne Beeline abonentteri aqysyz qońyraý shala alatyn 5050 qysqa uıaly baılanys nómirin qosty.
Jaqyn arada bul qyzmet Tele2 abonentterine de qosylady dep josparlanýda. Bank klıentteri Baılanys ortalyǵyna qalalyq telefon nómirleri boıynsha da qońyraý shala alady.
«Qazirgi zamanǵy tutynýshy mobıldi bolýǵa umtylady jáne óziniń uıaly telefonyn túrli qyzmetter, sonyń ishinde banktik qyzmetter alý úshin paıdalanady. Sondyqtan biz óz klıentterimizge Baılanys ortalyǵynyń eske jeńil saqtalatyn jáne eń bastysy, aqysyz nómirin usynyp otyrmyz. Endi Siz qaı jerde bolsańyz da, bizdiń bank únemi baılanysta bolady, al bizdiń bilikti mamandarymyz banktiń ónimderi men qyzmetteri boıynsha naqty aqparat berip, suraqtaryńyzǵa jaýap beredi, Sizge kelýge yńǵaıly bank fılıaly men ýaqytty tańdaýǵa kómektesedi», - deıdi VTB Banktiń (Qazaqstan) Basqarma tóraǵasy Sergeı Gýsarov. Onyń aıtýynsha, qazirgi zamanǵy telekommýnıkatsııalyq tehnologııalardy paıdalaný bank qyzmet kórsetetin barlyq qalalardaǵy kiris klıenttik qońyraýlarǵa ortalyqtandyrylǵan qyzmet kórsetýdi qamtamasyz etýge múmkindik beredi. Óz aımaqtaryndaǵy banktiń qalalyq nómirlerine qońyraý shalatyn klıentter avtomatty túrde Baılanys ortalyǵynyń Almaty qalasyndaǵy +7 (727) 330 50 50 kópkanaldy nómirine qosylady.
«VTB Bank (Qazaqstan) enshiles uıymy» AQ - reseılik VTB Bank AAQ-nyń 100% enshiles banki. Qazaqstandaǵy enshiles bank óz jumysyn 2009 jylǵy 1-shildede bastaǵan bolatyn. Qazirgi kezde onyń jarǵylyq kapıtaly 20 mıllıard teńgeni quraıdy, al fılıaldyq jelisi Qazaqstannyń 17 iri qalasyn qamtyp jatyr. Al VTB Bank jáne onyń enshiles kompanııalary óz qyzmetin reseılik jáne shetel naryqtarynda júzege asyratyn halyqaralyq qarjylyq topty quraıdy. Onyń quramyna TMD, Eýropa, Azııa men Afrıkanyń 19 memleketinde ornalasqan 20-dan astam bank pen qarjylyq kompanııalar kiredi. VTB-nyń negizgi aktsıoneri - Reseı Federatsııasynyń Úkimeti (75,5%). VTB toby jeke jáne korporatıvtik klıentterge banktik qyzmet kórsetý, lızıng, faktorıng, saqtandyrý jáne zeınetaqylyq qamtamasyz etý sııaqty ınvestıtsııalyq-banktik jáne qosymsha qarjylyq qyzmetterdi qosa alǵanda, qarjylyq qyzmetterdiń tolyq jıyntyǵyn usynady.
