VTB Bank EO sanktsııasyna tap boldy – QR Ulttyq bankiniń jaýaby

ASTANA. KAZINFORM – QR Ulttyq bank tóraǵasynyń birinshi orynbasary Erulan Jamaýbaev VTB Bankke qatysty qoıylǵan sanktsııaǵa pikir aıtty.

E. Jamaýbaev VTB osyǵan deıin sanktsııalarǵa ushyraǵanyn aıta kele, bul bank arqyly is júzinde operatsııalar júrgizilmegenin jetkizdi.

- Sondyqtan VTB jalpy qarjylyq turaqtylyqqa teris áser etpeıdi, sondyqtan bul jaǵdaı ekonomıka úshin eleýli táýekelder boldyrmaıdy dep oılaımyn, - dedi ol Senatta tilshiler suraǵyna jaýap bere otyryp.

Bul turǵyda UB tóraǵasynyń orynbasary salymshylarda kez kelgen bankti tańdaýǵa quqyly ekenin jáne bul baǵytta eshqandaı problema joq ekenin aıtty.

- Bankke qatysty aqparat endi ǵana jarııalanyp jatyr. Bul rette onyń qansha salymshysy bar ekenin jáne osy jaǵdaıdyń áserin qaraımyz. Osy ahýalǵa erekshe mán beremiz, ıaǵnı bank klıentteri men halyq osydan zardap shekpeýi tıis. Eger tólemder men aýdarymdarǵa qatysty qandaı da bir problema bolsa, kómektesemiz, - dedi ol.

Erulan Jamaýbaev sanktsııalar máselesi birazdan beri erekshe nazarda turǵanyn, sondyqtan Qazaqstannyń árbir banki men árbir sharýashylyq sýbektisi jiti baqylaýda ekenin atap ótti.

«Úkimet Qazaqstanda mundaı qaıtalama sanktsııalar bolmaýy úshin barlyq jaǵdaıdy muqııat qadaǵalap otyr. Ulttyq bank bul baǵytta Úkimetpen tıisti jumysty jalǵastyrady, - dedi ol.

Budan buryn habarlanǵandaı, Eýropa odaǵy Reseıge qarsy 19-shy sanktsııalar paketin qabyldady, onda VTB Qazaqstan Banki shekteýge jatatyn uıymdar tizimine endi.