«Vremıa» gazetiniń bas redaktory aýysty
ASTANA. 4 mamyr. QazAqparat - «Vremıa» gazetiniń redaktsııa ujymyna jańa basshy tanystyryldy. Basylymnyń bas redaktory Lev Tarakov boldy.
Lev ıÝrevıch Tarakov 1966 jyldyń 8 qyrkúıeginde Ýkraınadaǵy Cherkas oblysynyń Chıgırın qalasynda dúnıege kelgen. Júrgizýshi, bas maman, basqarma bastyǵynyń orynbasary, QR Baspasóz jáne buqaralyq aqparat mınıstrliginiń saraptamalyq-taldaý bas basqarmasynyń bastyǵy (1992-94 jj.); QR Prezıdentiniń Taldaý jáne strategııalyq zertteý ortalyǵynda sektor meńgerýshisi, jetekshiniń orynbasary, birinshi orynbasary (1994-97 jj.) bolyp qyzmet etken. 1997 jyldyń mamyr-jeltoqsan aılary aralyǵynda QR Qazaqstandyq strategııalyq zertteýler ınstıtýtynyń dırektory, 1997-1998 jyldary QR Aqparat jáne qoǵamdyq kelisim vıtse-mınıstri, 1998 jyldyń mamyrynan 2002 jyldyń tamyzyna deıin QR Prezıdenti baspasóz qyzmetiniń basshysy, 2002 jyldyń qarashasynan 2004 jyldyń qańtaryna deıin QR Elshiliginiń RF-ǵy keńesshi ýákili, 2004 jyldyń aqpan-naýryz aılarynda - «Izvestııa-Kazahstan» gazetiniń bas redaktory bolyp jumys istedi. 2004 jyldan bastap - «Liter-Media» JShS-niń atqarýshy dırektory, 2008 jyldyń naýryzynan - «Lıter gazeti» JShS-niń bas dırektory bolyp qyzmet atqardy. 2009 jyly «Qurmet» ordenimen, medalmen marapattaldy.
