VR-tehnologııa jumyssyzdardy eńbek naryǵyna daıyndaıdy
ASTANA. KAZINFORM – VR-tehnologııanyń kómegimen jańa mamandyqtardy meńgerýge jol ashyldy. Bastama jumyssyz azamattardyń eńbek naryǵyna beıimdelýine múmkindik bermek.
— VR — zamanaýı tehnologııa. Sondyqtan ony paıdalana otyryp, jańa mamandyqtardy úıretýdi jón sanadyq. Bastapqyda 5 mamandyq boıynsha kýrstar jumys isteıdi. Onyń ishinde tokar, dánekerleýshi, slesar, eńbek qaýipsizdigi mamany bar. Pılottyq jobany jumys izdep júrgen azamattar úshin iske qosqaly jatyrmyz. Ári qaraı keri baılanyspen jumys istep, bastamany damytamyz, — dedi biliktilikter men quzyretterdi tsıfrlyq damytý departamentiniń dırektory Dınara Muratqyzy Jibek Joly telearnasynyń «Búgin Live» baǵdarlamasynda.
Joba aıasynda oqytý dástúrli formatpen shektelmeı, zamanaýı tehnologııamen tolyqtyrylady. VR kózildirigi arqyly paıdalanýshy ózin naqty óndiristik ortada júrgendeı sezinip, jańa tájirıbe jınaqtaıdy.
— Astana, Almaty qalalary, ShQO, Túrkistan, Mańǵystaý oblystarynda «Mansap» ortalyǵyna baryp, oqytýdan ótýge bolady. Jumyssyz azamattarǵa tegin, keıin sertıfıkat beriledi, — dedi spıker.
ıAǵnı, teorııalyq bólim aıaqtalǵannan keıin oqytý «Mansap» ortalyqtarynda jalǵasady. Onda VR-shlemderdiń kómegimen qatysýshylar alǵan bilimderin bekitip, kásibı daǵdylardy óndiristik jaǵdaıǵa barynsha jaqyn ortada pysyqtaıdy.
Aıta keteıik, elimizde bıylǵy jyl «Tsıfrlandyrý jáne JI jyly» dep jarııalandy.
