VR kompanııasynyń aqqan munaıdyń saldaryn joıýǵa ketetin shyǵyny 30 mıllıard dollarǵa jetýi múmkin
ASTANA. Shildeniń 27-si. QazAqparat - Brıtandyq «Brıtısh Petroleým» kompanııasynyń Meksıka shyǵanaǵyndaǵy aqqan munaıdy toqtatýǵa jáne apattyń saldaryn joıýǵa jumsalatyn shyǵyny 30 mıllıard dollarǵa jetýi múmkin. Apatqa baılanysty kompanııanyń naqty shyǵyny búgin ótetin VR dırektorlar keńesiniń májilisinde málim etilýi yqtımal,
dep habarlaıdy RBK kompanııasy.
Kompanııa ókilderi buǵan deıin, aldyn-ala esepteýler boıynsha, shildeniń 19-yndaǵy jaǵdaı boıynsha kompanııanyń apat aımaǵyndaǵy shyǵyny 4 mıllıard dollardy shamalaǵanyn málim etken bolatyn. Bul somaǵa tógilgen munaıdy jınaýǵa, qosymsha uńǵylar burǵylaýǵa ketken shyǵystar, jaǵalaýdaǵy shtattarǵa tıesili ótemaqylar jáne shaǵym-aryzdardy sotqa jetkizbeı máseleni sheshýge jumsalǵan qarajattar kirgen.
Shildeniń 21-inde VR amerıkandyq Apache Corporation kompanııasyna 7 mıllıard dollar somanyń AQSh, Kanada jáne Mysyrdaǵy aktıvterin satatynyn málim etti. Al AQSh Prezıdenti Barak Obamanyń ákimshiligi bolsa kompanııaǵa 99,7 mıllıon dollar somanyń kezekti shot-esebin usynyp otyr. Aq úıdiń málimdemesi boıynsha, buǵan deıin qoıylǵan úsh shottyń jalpy kólemi 122,2 mıllıon dollardy quraǵan jáne VR onyń bárin tolyq tólegen.
Prezıdenttik ákimshiliktiń málimdemesinde sondaı-aq, ekologııalyq apattyń saldaryn joıý jónindegi barlyq jaýapkershilikti munaı kompanııasynyń tolyq óz moınyna alý kerektigi taǵy da atap kórsetilip otyr.
Amerıkandyq Goldman Sachs ınvestıtsııalyq bankiniń baǵalaýynsha, VR kompanııasynyń apattyń saldaryn joıý jáne ótemaqylardy tóleý jónindegi barlyq shyǵyny 70 mıllıard dollarǵa jetýi múmkin.
