Pýtın Astanada Erdoǵanǵa Ystambul kelissózi úshin alǵys aıtty

ASTANA. KAZINFORM – Reseı Federatsııasynyń prezıdenti Vladımır Pýtın «ShYU+» kezdesýinde Túrkııa basshysy Redjep Taııp Erdoǵanǵa Ystambul kelissózi úshin alǵys aıtty.

«Ystambul ýaǵdalastyqtary, ol úshin bul jumysta ara aǵaıyn retinde qatysqan Túrik Respýblıkasynyń Prezıdenti R.Erdoǵanǵa rahmet. Ol ýaǵdalastyq eshqaıda ketken joq. Ýkraınalyq kelissóz delegatsııasynyń basshylary kelissóz paraqtaryna belgi qoıǵan da bolatyn. ıAǵnı, Ýkraına jaqtyń kóńilinen shyqqan. Bul Stambýl kelisimderi qazir «ústel ústinde» qalyp otyr jáne ony qaıta jalǵastyrýǵa negiz bola alady», - dedi V.Pýtın.

Reseı prezıdenti ShUY elderi óz áreketterin BUU minberinde de, basqa da halyqaralyq alańdarda bir-birine uqsas syrtqy saıası tásilderdi ustanady dep esepteıtinin atap ótti. 

«Álemniń birqatar damyǵan ekonomıkalary quldyrap jatqanda ShYU elderiniń ishki jalpy ónimi 2023 jyly orta eseppen 5,2 paıyz ósip, ınflıatsııa nebári 2,4 paıyz ǵana artqan. Bul jaqsy kórsetkishter.

ShYU saýda, logıstıka jáne ózara esep aıyrysý tizbegin qurý baǵytynda barynsha belsendi qadamdar jasap jatyr. Qurlyqty soltústikten ońtústikke jáne batystan shyǵysqa baılanystyratyn jańa, tıimdirek kólik dálizderi qalyptasyp keledi. Álbette, biz ShYU arqyly júzege asyrylatyn salalyq jobalarǵa memleketterdiń keń aýqymy qosylǵanyna múddelimiz», - dedi V.Pýtın.