«Vozrojdenıe» araly adam densaýlyǵyna qaýipti emes - Jandarbek Bekshın
Qazaqstan Respýblıkasy Úkimetiniń 2018 jylǵy 13 sáýirdegi Qaýlysymen Vozrojdenıe aralynyń qazaqstandyq bóliginde jáne Aral teńizine irgeles qurlyq (jaǵalaý) aýmaǵynda epıdemıologııalyq salamattylyqty qamtamasyz etý jáne monıtorıng júrgizý jónindegi 2018 - 2020 jyldarǵa arnalǵan is-sharalar jospary bekitildi. Atalǵan jospardy iske asyrý úshin 11 memlekettik organ tartylǵan. Osy oraıda Úkimet tapsyrmasymen oryndalǵan sharalardyń alǵashqy nátıjesi belgili boldy.
«Vozrojdenıe araly men oǵan irgeles jerlerde sońǵy 25-30 jylda eshqandaı ınfektsııalyq nemese basqa da qaýipti epıdemıologııalyq jaǵdaı tirkelgen emes. 2003, 2006 jyldary ekspedıtsııa jasaldy jáne 2008, 2010 jyldary aralǵa ǵylymı-zertteý jumystary júrgizildi. Onyń maqsaty - araldyń bizdiń terrıtorııamyzǵa qaýpi bar ma, bolsa onyń deńgeıi qandaı, sony anyqtaý. Ǵylymı-zertteý nátıjesinde kádimgi qurlyqta kezdesetin asa qaýipti oba, sibir jarasy aýrýlary tirkeldi. ıAǵnı Vozrojdenıe aralynda basqadaı epıdemıologııalyq qaýip joq»,-dedi QR Bas memlekettik sanıtar-dárigeri Jandarbek Bekshın.
Sonymen qatar, bas sanıtar zertteý júrgizý barysynda araldan kóptegen turmys, metall qaldyqtarynyń tabylǵanyn, ıaǵnı polıgon jabyq bolǵanymen, adamdardyń ártúrli maqsatpen aralda bolǵanyn aıtty.
«Metall ótkizýshiler, araldy qyzyq kórip, barýshylar bolǵany rastaldy. Zertteý nátıjesinde kóptegen qaldyqtar tabylyp, barlyǵy araldan shyǵaryldy. Jáne taǵy bir aıtyp keteri - sol adamdardyń eshqaısysy qandaı da bir qaýipti aýrýdy juqtyrmaǵan», -dedi J.Bekshın.
Baspasóz máslıhatynda epıdemıologııalyq monıtorıngpen qatar, ǵylymı-zertteý jumystarynyń odan ári jalǵasatyny aıtyldy. Odan bólek, QR Bilim jáne ǵylym mınıstrligi 2018-2020 jyldarǵa arnalǵan burynǵy Vozrojdenıe aralynyń qazaqstandyq aýmaǵyn sharýashylyq aınalymǵa engizýdi ǵylymı-tájirıbelik negizdeý baǵdarlamasyn bekitti.
